Punjabi Kavita/Poem "Mera Bachpan" " ਮੇਰਾ ਬਚਪਨ" for kids and Students in Punjabi Language.

 ਮੇਰਾ ਬਚਪਨ 
Mera Bachpan

ਜ਼ਿੰਦਗੀ ਦੀ ਇਹ ਉਮਰ ਨਿਆਣੀ 

ਵਾਪਸ ਫਿਰ ਮੁੜ ਕੇ ਨਾ ਆਉਣੀ

ਬਚਪਨ ਦਾ ਜੋ ਕੀਮਤੀ ਗਹਿਣਾ

ਕੋਲ ਅਸਾਡੇ ਸਦਾ ਨ੍ਹੀ ਰਹਿਣਾ

ਹਰ ਦਿਨ ਦਾ ਮੈਂ ਲਵਾਂ ਨਜ਼ਾਰਾ

ਖੇਡ ਸਮੇਂ ਭੁੱਲ ਜਾਂ ਜੱਗ ਸਾਰਾ

ਚਿੰਤਾ ਡਰ ਮੇਰੇ ਕੋਲ ਨਾ ਆਵੇ 

ਨਾ ਕੋਈ ਫ਼ਿਕਰ ਹੀ ਮੈਨੂੰ ਸਤਾਵੇ

ਖ਼ੁਸ਼ੀਆਂ ਦੇ ਰੋਜ਼ ਗੀਤ ਮੈਂ ਗਾਉਂਦਾ 

ਦੋਸਤ ਮਿੱਤਰ ਨਵੇਂ ਬਣਾਉਂਦਾ

ਬਰਾਬਰ ਸਭ ਨੂੰ ਪਿਆਰ ਹਾਂ ਕਰਦਾ 

ਨਫ਼ਰਤ ਦੇ ਕਦੀ ਕੋਲ ਨਾ ਖੜ੍ਹਦਾ

ਸਵੇਰੇ ਸ਼ਾਮ ਤੱਕ ਕਰਾਂ ਕਲੋਲਾਂ

ਬੋਲ ਨਾ ਮੰਦੇ ਕਿਸੇ ਨੂੰ ਬੋਲਾਂ

ਦਿਲ ਮੇਰਾ ਜਿਵੇਂ ਨਿਰਮਲ ਪਾਣੀ 

ਇਹ ਉਮਰ ਮੁੜ ਕੇ ਨਾ ਆਣੀ