Punjabi Kavita/Poem "Khoondan" "ਖ਼ੂਨਦਾਨ" for kids and Students in Punjabi Language.

 ਖ਼ੂਨਦਾਨ 

Khoondan

ਖ਼ੂਨਦਾਨ ਜਿਹਾ ਦਾਨ ਨਾ ਕੋਈ 

ਦੂਜਾ ਕੰਮ ਮਹਾਨ ਨਾ ਕੋਈ 

ਇਸ ਤੋਂ ਵੱਡੀ ਖ਼ੁਸ਼ੀ ਕੀ ਹੋਊ 

ਜੇ ਕਿਸੇ ਦੀ ਬਚ ਜਾਏ ਜਾਨ 

ਖ਼ੂਨ ਦੀ ਹਰ ਇਕ ਬੂੰਦ ਕੀਮਤੀ 

ਇਹਦੇ ਵਰਗਾ ਨਾ ਕੋਈ ਦਾਨ

ਸੜਕ ਕਿਨਾਰੇ ਫੱਟੜ ਕੋਈ 

ਤੈਨੂੰ 'ਵਾਜ਼ਾਂ ਮਾਰੇ

ਜ਼ਖ਼ਮਾਂ ਉੱਤੇ ਮੱਲ੍ਹਮ ਲਗਾ ਦੋ,

ਵਾਰੋ ਵਾਰ ਪੁਕਾਰੇ

ਦੂਜਿਆਂ 'ਤੇ ਉਪਕਾਰ ਜੋ ਕਰਦਾ

ਉਸਨੂੰ ਕਹਿੰਦੇ ਨੇ ਇਨਸਾਨ..

ਬਿਨਾਂ ਖ਼ੂਨ ਤੋਂ ਬੁਝ ਨਾ ਜਾਵੇ

ਕਿਸੇ ਦੇ ਘਰ ਦਾ ਦੀਵਾ

ਕਰਕੇ ਦੇਖੀਂ ਭਲਾ ਕਿਸੇ ਦਾ 

ਮਨ ਹੋਵੇਗਾ ਖੀਵਾ

ਤੇਰਾ ਦੱਸ ਕੀ ਮੁੱਲ ਹੈ ਲਗਦਾ

ਇਹ ਤਾਂ ਕੁਦਰਤ ਦਾ ਵਰਦਾਨ...

ਦਾਨ ਕਰੇ ਤੋਂ ਜਰਾ ਨਾ ਘਟਦਾ

ਕਰ ਲੈ ਤੂੰ ਵੀ ਜੇਰਾ

ਪੁੰਨ ਕਮਾ ਲੈ ਜਿੰਦੇ ਕੋਈ

ਹੋ ਨਾ ਜਾਏ ਹਨੇਰਾ

ਲੋੜਵੰਦ ਦੀ ਮੱਦਦ ਕਰਕੇ

‘ਰਾਜੀ’ ਕਰ ਲਓ ਕੰਮ ਮਹਾਨ ...