Punjabi Kavita/Poem "Arsha Tak Udari" "ਅਰਸ਼ਾਂ ਤੱਕ ਉਡਾਰੀ" for kids and Students in Punjabi Language.

 ਅਰਸ਼ਾਂ ਤੱਕ ਉਡਾਰੀ 
Arsha Tak Udari

ਇਕ ਸੁਨੀਤਾ ਲਾ ਆਈ ਹੈ 

ਅਰਸ਼ਾਂ ਤੱਕ ਉਡਾਰੀ

ਇਕ ਸੁਨੀਤਾ ਜਨਮ ਤੋਂ ਪਹਿਲਾਂ

ਕੁੱਖ ਵਿਚ ਜਾਂਦੀ ਮਾਰੀ

ਇਕ ਸੁਨੀਤਾ ਦਾ ਬਾਬਲ ਹੈ

ਉਮਰਾਂ ਦਾ ਕਰਜ਼ਾਈ

ਰੁਕੀ ਹੈ ਡੋਲੀ ਦਾਜ ਦੇ ਬਾਝੋਂ

ਬੈਠੀ ਘਰੇ ਵਿਚਾਰੀ...

ਇਕ ਸੁਨੀਤਾ ਸ਼ਾਹਾਂ ਦੇ ਘਰ

ਚੁੱਕਦੀ ਗੋਹਾ-ਕੂੜਾ

ਨ੍ਹੇਰਾ ਢੋਂਦੀ ਚਾਨਣ ਦੀ ਗੱਲ

ਉਸ ਤੋਂ ਗਈ ਵਿਸਾਰੀ….

ਕਿਸੇ ਸੁਨੀਤਾ ਦੇ ਨਾਲ ਕਰ ਗਿਆ

ਧੋਖਾ ਸਿਰ ਦਾ ਸਾਈਂ

ਮਾਪਿਆਂ ਦੇ ਘਰ ਦੇ ਵਿਚ ਬੈਠੀ

ਰੋਵੇ ਕਰਮਾਂ ਮਾਰੀ...

ਇਕ ਸੁਨੀਤਾ ਸਿਖਰ ਦੁਪਹਿਰੇ

ਲੁੱਟੀ ਸ਼ਰੇ ਬਾਜ਼ਾਰ

ਬਹੁੜੇ ਨਾ ਕੋਈ ਦਰਦੀ ਬਣ ਕੇ

ਚੁੱਪ ਹੈ ਦੁਨੀਆਂ ਸਾਰੀ

ਇਕ ਸੁਨੀਤਾ ...