Punjabi Kavita/Poem "Mein Chota Jiha Baal Haa" "ਮੈਂ ਛੋਟਾ ਜਿਹਾ ਬਾਲ ਹਾਂ " for kids and Students in Punjabi Language.

 

ਮੈਂ ਛੋਟਾ ਜਿਹਾ ਬਾਲ ਹਾਂ 

Mein Chota Jiha Baal Haa

 

ਮੈਂ ਛੋਟਾ ਜਿਹਾ ਬਾਲ ਹਾਂ

ਕਰਦਾ ਬੜੇ ਕਮਾਲ ਹਾਂ

 

ਤੜਕੇ ਉਠ ਨਹਾਉਂਦਾ ਹਾਂ

ਸੋਹਣੇ ਕੱਪੜੇ ਪਾਉਂਦਾ ਹਾਂ

ਫੇਰ ਵਹਾਉਂਦਾ ਵਾਲ ਹਾਂ

ਮੈਂ ਛੋਟਾ ਜਿਹਾ

 

ਪੜ੍ਹਨ ਸਕੂਲੇ ਜਾਂਦਾ ਹਾਂ

ਗੀਤ ਪਿਆਰੇ ਗਾਂਦਾ ਹਾਂ

ਕੱਢਦਾ ਕਦੇ ਨਾ ਗਾਲ ਹਾਂ

ਮੈਂ ਛੋਟਾ ਜਿਹਾ ..

 

ਮੈਂਬਰ ਸਭ ਪਰਿਵਾਰ ਦੇ

ਮੈਨੂੰ ਖ਼ੂਬ ਪਿਆਰਦੇ

ਮੈਂ ਉਨ੍ਹਾਂ ਦਾ ਲਾਲ ਹਾਂ

ਮੈਂ ਛੋਟਾ ਜਿਹਾ…

 

ਟਿਕ ਕੇ ਕਦੇ ਨਾ ਬਹਿੰਦਾ ਹਾਂ

ਨੱਚਦਾ ਟੱਪਦਾ ਰਹਿੰਦਾ ਹਾਂ

ਖੇਡਦਾ ਸਾਥੀਆਂ ਨਾਲ ਹਾਂ

ਮੈਂ ਛੋਟਾ ਜਿਹਾ….

 

ਉੱਚੀ ਵਿੱਦਿਆ ਪਾਵਾਂਗਾ

ਬਣਕੇ ਕੁਝ ਦਿਖਾਵਾਂਗਾ

ਚੱਲਦਾ ਤਿੱਖੀ ਚਾਲ ਹਾਂ

ਮੈਂ ਛੋਟਾ ਜਿਹਾ ...