Punjabi Moral Story on "Jo vi Karo Soch-Samajh ke Karo", "ਜੋ ਵੀ ਕਰੋ ਸੋਚ ਸਮਝ ਕੇ ਕਰੋ" for Kids and Students for Class 5, 6, 7, 8, 9, 10 in Punjabi Language.

ਜੋ ਵੀ ਕਰੋ ਸੋਚ ਸਮਝ ਕੇ ਕਰੋ
Jo vi Karo Soch-Samajh ke Karo

ਇਕ ਵਾਰ ਇਕ ਜ਼ਹਿਰੀਲਾ ਸੱਪ ਨਦੀ ਦੇ ਕੰਢੇ ਲੇਟ ਕੇ ਧੁੱਪ ਸੇਕ ਰਿਹਾ ਸੀ ਕਿ ਪਤਾ ਨਹੀਂ ਕਿਧਰੋਂ ਕਾਲਾ ਕਾਂ ਉਹਦੇ ਉੱਪਰ ਝਪਟ ਪਿਆ ਅਤੇ ਸੱਪ ਨੂੰ ਆਪਣੇ ਪੰਜਿਆਂ ਵਿਚ ਫਸਾ ਕੇ ਅਸਮਾਨ ਵਿਚ ਉੱਡ ਗਿਆ। ਸੱਪ ਬੁਰੀ ਤਰ੍ਹਾਂ ਫਸਿਆ ਵੇਖ ਕੇ ਖ਼ੁਦ ਨੂੰ ਕਾਂ ਦੇ ਪੰਜਿਆਂ ਵਿਚੋਂ ਛੁਡਾਉਣ ਦੀ ਕੋਸ਼ਿਸ਼ ਕਰਨ ਲੱਗਾ। ਇਹ ਵੇਖ ਕੇ ਸੱਪ ਨੇ ਗੁੱਸੇ ਵਿਚ ਫੁਕਾਰਦਿਆਂ ਹੋਇਆਂ ਕਾਂ ਦੇ ਸਰੀਰ ਵਿਚ ਆਪਣੇ ਜ਼ਹਿਰੀਲੇ ਦੰਦ ਖੁਭਾ ਦਿੱਤਾ।

ਕੁਝ ਹੀ ਦੇਰ ਬਾਅਦ ਜ਼ਹਿਰ ਦਾ ਅਸਰ ਦਿਖਾਈ ਦੇਣ ਲੱਗ ਪਿਆ। ਕਾਂ ਦਰਦ ਨਾਲ ਤੜਫਦਾ ਹੋਇਆ ਅਸਮਾਨ ਤੋਂ ਸਿੱਧਾ ਧਰਤੀ ਉਪਰ ਆ ਕੇ ਡਿੱਗ ਪਿਆ । ਸੱਪ ਮਰਦੇ ਹੋਏ ਕਾਂ ਦੇ ਪੰਜਿਆਂ ਵਿਚੋਂ ਨਿਕਲ ਕੇ ਭੱਜ ਗਿਆ ।

ਕਾਂ ਜਦੋਂ ਮੌਤ ਦੇ ਦਰਵਾਜ਼ੇ 'ਤੇ ਖਲੋਤਾ ਸੀ, ਸੱਪ ਦਾ ਜ਼ਹਿਰ ਉਹਦੇ ਸਰੀਰ ਦੇ ਹਰ ਹਿੱਸੇ ਵਿਚ ਫੈਲ ਚੁੱਕਾ ਸੀ। ਮਰਨ ਤੋਂ ਕੁਝ ਪਲ ਪਹਿਲਾਂ ਉਹਨੇ ਸੋਚਿਆ-'ਕੀ ਮੈਨੂੰ ਪਹਿਲਾਂ ਨਹੀਂ ਸੀ ਸੋਚਣਾ ਚਾਹੀਦਾ ? ਇਹ ਮੇਰੀ ਬੜੀ ਵੱਡੀ ਗਲਤੀ ਸੀ ਕਿ ਬਿਨਾਂ ਸੋਚਿਆਂ-ਸਮਝਿਆਂ ਮੈਂ ਇਕ ਜ਼ਹਿਰੀਲੇ ਸੱਪ ਨੂੰ ਚੁੱਕ ਲਿਆ। ਆਖ਼ਿਰਕਾਰ ਉਹੋ ਸੱਪ ਮੇਰੀ ਮੌਤ ਦਾ ਕਾਰਨ ਬਣਿਆ।

ਸਿੱਟਾ: ਸਮਝਦਾਰ ਲੋਕ ਕੰਮ ਤੋਂ ਪਹਿਲਾਂ ਸੋਚਦੇ ਹਨ , ਮੂਰਖ ਲੋਕ ਕੰਮ ਕਰਨ ਤੋਂ ਬਾਅਦ ਸੋਚਦੇ ਹਨ।