Punjabi Moral Story on "Suraj Te Hawa", "ਸੂਰਜ ਤੇ ਹਵਾ" for Kids and Students for Class 5, 6, 7, 8, 9, 10 in Punjabi Language.

ਸੂਰਜ ਤੇ ਹਵਾ 
Suraj Te Hawa

ਬਹੁਤ ਪੁਰਾਣੀ ਗੱਲ ਹੈ ਕਿ ਇਕ ਵਾਰੀ ਸੂਰਜ ਤੇ ਹਵਾ ਵਿੱਚ ਬਹਿਸ ਛਿੜ ਪਈ ਕਿ ਦੋਨਾਂ ਵਿੱਚੋਂ ਕੌਣ ਤਾਕਤਵਰ ਹੈ । ਹਵਾ ਕਹਿਣ ਲੱਗੀ ਕਿ ਮੈਂ ਤਾਕਤਵਰ ਹਾਂ ਅਤੇ ਸੂਰਜ ਕਹਿਣ ਲੱਗਾ ਕਿ ਮੈਂ ਤਾਕਤਵਰ ਹਾਂ । ਇਸ ਦਾ ਫੈਸਲਾ ਕਰਾਉਣ ਲਈ ਦੋਨੋਂ ਤੁਰ ਪਈਆਂ । ਰਾਹ ਵਿੱਚ ਇਕ ਆਦਮੀ ਮਿਲਿਆ ਜਿਸ ਨੇ ਕੋਟ ਪਾਇਆ ਹੋਇਆ ਸੀ । ਇਹ ਵੇਖ ਕੇ ਉਹਨਾਂ ਨੇ ਫੈਸਲਾ ਕੀਤਾ ਕਿ ਜਿਹੜਾ ਇਸ ਦਾ ਕੋਟ ਉਤਰਵਾ ਉਹੀ ਤਾਕਤਵਰ ਸਮਝਿਆ ਜਾਵੇਗਾ | ਪਹਿਲਾਂ ਹਵਾ ਦੀ ਵਾਰੀ ਆਈ। ਹਵਾ ਹੌਲੀ ਹੌਲੀ ਚੱਲਣ ਲੱਗੀ । ਲੇਕਿਨ ਫੇਰ ਉਹ ਬਹੁਤ ਤੇਜ਼ੀ ਨਾਲ ਚੱਲਣ ਲੱਗੀ । ਇਹ ਵੇਖ ਕੇ ਉਸ ਆਦਮੀ ਨੇ ਆਪਣੇ ਕੋਟ ਦੇ ਬਟਨ ਬੰਦ ਕਰ ਲਏ ਲੇਕਿਨ ਉਸ ਨੂੰ ਉਤਾਰਿਆ ਨਹੀਂ । ਹੁਣ ਸੂਰਜ ਦੀ ਵਾਰੀ ਸੀ । ਪਹਿਲਾਂ ਤਾਂ ਸੂਰਜ ਬੱਦਲਾਂ ਵਿੱਚੋਂ ਹੌਲੀ ਜਿਹੀ ਬਾਹਰ ਆਇਆ । ਇਹ ਵੇਖ ਕੇ ਉਸ ਆਦਮੀ ਨੇ ਕੋਟ ਦੇ ਬਟਨ ਖੋਲ੍ਹ ਦਿੱਤੇ । ਫੇਰ ਸੂਰਜ ਨੇ ਥੋੜਾ ਜਿਹਾ ਰੰਗ ਵਿਖਾਇਆ ਤਾਂ ਉਸ .. ਆਦਮੀ ਨੇ ਆਪਣੀ ਟੋਪੀ ਉਤਾਰ ਦਿੱਤੀ । ਫੇਰ ਸੂਰਜ ਪੂਰੇ ਜੋਬਨ ਤੇ ਆ ਗਿਆ ਤਾਂ ਹੁਣ ਉਸ ਆਦਮੀ ਨੇ ਆਪਣਾ ਕੋਟ ਉਤਾਰ ਕੇ ਮੋਢੇ ਤੇ ਰੱਖ ਲਿਆ । ਇਸ ਤਰਾਂ ਸੂਰਜ ਦੀ ਜਿੱਤ ਹੋ ਗਈ ।

ਸਿੱਖਿਆ :- ਕਦੇ ਵੀ ਕਿਸੇ ਦੀ ਤਾਕਤ ਨੂੰ ਘੱਟ ਨਾ ਸਮਝੋ ।