Punjabi Moral Story on "Bille de Gal Ghanti Kaun Banne", "ਬਿੱਲੀ ਦੇ ਗਲ ਘੰਟੀ ਕੌਣ ਬੰਨੇ" for Kids and Students for Class 5, 6, 7, 8, 9, 10 in Punjabi Language.

ਬਿੱਲੀ ਦੇ ਗਲ ਘੰਟੀ ਕੌਣ ਬੰਨੇ 
Bille de Gal Ghanti Kaun Banne

ਇਕ ਵਾਰੀ ਜੰਗਲ ਦੇ ਸਾਰੇ ਚੂਹਿਆਂ ਨੇ ਮਿਲ ਕੇ ਇਕ ਮੀਟਿੰਗ ਬੁਲਾਈ । ਜੰਗਲ ਵਿੱਚ ਸਾਰੇ ਚੂਹੇ ਮਿਲਜੁਲ ਕੇ ਰਹਿੰਦੇ ਸਨ । ਲੇਕਿਨ ਅਚਾਨਕ ਇੱਕ ਬਿੱਲੀ ਪਤਾ ਨਹੀਂ ਕਿਧਰੋਂ ਆ ਗਈ ਸੀ ਤੇ ਹੌਲੀ ਹੌਲੀ ਉਹਨਾਂ ਚੂਹਿਆਂ ਨੂੰ ਖਾਣ ਲੱਗੀ । ਜਦੋਂ ਰੋਜਾਨਾਂ ਚੂਹੇ ਘਟਣ ਲੱਗੇ ਤਾਂ ਉਹਨਾਂ ਨੇ ਫਿਰ ਮੀਟਿੰਗ ਬੁਲਾਉਣ ਦਾ ਫੈਸਲਾ ਕੀਤਾ ।

ਜਦੋਂ ਸਾਰੇ ਚੂਹੇ ਇੱਕਠੇ ਹੋ ਗਏ ਤਾਂ ਮੀਟਿੰਗ ਸ਼ੁਰੂ ਹੋਈ । ਸਾਰੇ ਚੂਹੇ ਵਾਰੀ ਵਾਰੀ ਆਪਣੇ ਸੁਝਾਅ ਦੇਣ ਲੱਗ ਪਏ । ਲੇਕਿਨ ਉਹਨਾਂ ਦੁਆਰਾ ਦਿੱਤੇ ਹੋਏ ਸੁਝਾਵਾਂ ਉੱਤੇ ਕੋਈ ਵੀ ਆਮ ਰਾਇ ਨਹੀਂ ਸੀ ਬਣ ਰਹੀ |

ਏਨੇ ਚਿਰ ਨੂੰ ਇਕ ਛੋਟਾ ਚੂਹਾ ਉੱਠਿਆ ਤੇ ਉੱਚੀ ਸਾਰੀ ਆਵਾਜ਼ ਵਿੱਚ ਕਹਿਣ ਲੱਗਾ ਬਿੱਲੀ ਦੇ ਗਲ ਵਿੱਚ ਘੰਟੀ ਬੰਨ ਦੇਣੀ ਚਾਹੀਦੀ ਹੈ । ਜਦੋਂ ਬਿੱਲੀ ਸਾਡੇ ਨੇੜੇ ਆਵੇਗੀ ਤਾਂ ਸਾਨੂੰ ਘੰਟੀ ਦੀ ਆਵਾਜ ਸੁਣ ਕੇ ਉਸ ਦਾ ਪਤਾ ਲੱਗ ਜਾਵੇਗਾ । ਇਸ ਤਰ੍ਹਾਂ ਸਾਡੀ ਜਾਨ ਬਚ ਜਾਵੇਗੀ । ਸਾਰਿਆਂ ਨੂੰ ਇਹ ਸੁਝਾਅ ਬਹੁਤ ਪਸੰਦ ਆਇਆ । ਕਈ ਚੁਹੇ ਤਾਂ ਇਹ ਸੁਣ ਕੇ ਨੱਚਣ ਟੱਪਣ ਲੱਗ ਪਏ । ਲੇਕਿਨ ਸਮੱਸਿਆ ਇਹ ਸੀ ਕਿ ਦਿੱਲੀ ਦੇ ਗਲ ਘੰਟੀ ਕੌਣ ਬਨੇ । ਜਦੋਂ ਵੀ ਕਿਸੇ ਦੀ ਘੰਟੀ ਬੰਣ ਦੀ ਵਾਰੀ ਆਵੇ ਉਹ ਮਨ੍ਹਾਂ ਕਰ ਦੇਵੇ । ਸਾਰੇ ਹੈਰਾਨ ਪਰੇਸ਼ਾਨ ਸਨ ਕਿ ਪਤਾ ਨਹੀਂ ਉਹੀ ਬਿੱਲੀ ਕਿਧਰੋਂ ਆਈ ਤੇ ਉਸਨੇ ਝੱਟ ਦੇਣੇ ਇਕ ਚੂਹੇ ਨੂੰ ਫੜ ਲਿਆ । ਇਹ ਵੇਖ ਕੇ ਬਾਕੀ ਦੇ ਸਾਰੇ ਚੂਹੇ ਉਥੋਂ ਜੰਗਲ ਨੂੰ ਵਾਪਸ ਦੌੜ ਗਏ ।